3DS《P&DZ》立體進化Z珠超強化

剛剛於東京遊戲展2013再度獲得年度特別獎，文件倉上年hit到𠵱家仍然係話題之作，《Puzzle and Dragons》肯定係日本遊戲界近十年最強神話，《FACE》都唔只講過一次！今期又�轉珠，皆因記者由日本TGS空運�超激罕會場限定特別版《Puzzle and Dragons Z》體驗版盒帶返香港做第一手實測，利用3DS獨有功能變做3D轉珠，魅力驚人，加上手機版又同近期日本最hit遊戲《Monster Hunter 4》大搞crossover，機友每月大手課金變成指定動作，P&D要玩多年？其實唔難！Puzzle and Dragons Z廠商：GungHo　類型：PuzzleRPG　遊戲人數：1　平台：3DS　發售日：2013年12月12日用筆轉以前轉珠要用手，但3DS個Touch Mon係電阻式，要篤落去先有反應，所以好難用手轉，都係用番stylus啦！小精靈化系統大執今次《P&D Z》破天荒逆移植去3DS，玩法大改，再加入少年主角帶領寵物戰鬥�劇本，明顯目標都係攻佔小朋友市場。玩法就冇乜點變，都係組成5+1隻寵物隊伍，�6×5轉珠盤上進行戰鬥，唔同手機版�係《P&DZ》冇體力值，亦冇課金制，所有怪物都係經故事入手，大大減少「毒性」，另外亦冇「食自己升技能」呢類變態設計，變成寵物共用技能點使用技能，而且combo數目愈多儲技能愈快，好似心轉色原來只需2點技能，combo高手玩得勁，每回心轉色都有機會！體驗版最大印象必數寵物全部識郁，存倉如「蒼劍」揮劍斬過�之前會先高舉雙手，動作流暢又有型，開盡3D更見效果出色，而且唔少造型上仲有新設計，P&D玩家買隻game睇�班老朋友點郁，已經有好大樂趣。新系統有「Z珠」，戰鬥時會隨機出現，好似強化寶珠一樣，消除Z珠就可以使出強力攻擊、仲勁過《龍珠Ｚ》神龍現身，比手機版變化更大。整體玩後感係隻game比想像中更有原創性，擺明想食埋任天堂《寵物小精靈》條水，長遠計拍埋《轉珠小精靈》出動畫、搞戰鬥咭都有得諗，到時要搵番陳浩民唱主題曲！芒亨殺埋�轉珠難斷尾同場睇埋手機版新crossover，今時今日GungHo升仙做到手機遊戲龍頭，連Capcom都要反過�借佢人氣谷自家手機app《艾露貓市集》！所以就大方到「借」埋旗下芒亨iconic�雄火龍同雌火龍出�，組成可愛艾露貓版；仲唔只，連P&D本身「御三家」火、木、水龍都各有一隻艾露貓特別版，搞到芒亨友同轉珠友睇見都好難忍手，芒亨要斷尾都話可以斬大力�，轉珠點斷尾呀？最後都係課金抽蛋，齊齊畀錢啦！GungHo新作《Divine Gate》再做神話GungHo都唔敢靠《P&D》老本食過世，最新大作《Divine Gate》已經出�，今次改為咭牌類型，玩家要先�5x5版圖度好似踩地雷咁「探索」，踩中怪物就要「戰鬥」，利用畫面上5個可放5張咭�空格，組合出由6種屬性咭變化而成�動作，例如同色兩張咭係單體攻擊、3張咭係全體攻擊、火加水變成回復等等，玩法可以話易學難精。要好似P&D變成「國民遊戲」，似乎仲有漫漫長路。儲存