隔牆有耳： 潮人飯局 就財爺食粵菜

新界潮人總會噚日舉行「司長˙潮人真情對話」，迷你倉請財政司司長曾俊華閂埋門交流�。香港唔少政客都係潮州人，好似立法會議員林大輝同葛珮帆、旅發局主席林建岳都係「家己冷」，噚日都好畀面去聽財爺演講。八方同行家們事後問番岳少，餐飯有乜特別，當然係想問財爺有乜真知灼見啦，點知岳少覺得最「特別」係：「今日我以為食潮州�，點知食廣東�。」唔知大會係咪以為潮人經常食潮菜，所以專登轉�口味呢？林大輝就話，因為財爺唔係潮州人，所以都係食番廣東菜。岳少仲話，遲�都諗住做份詳細報告畀財爺講��緊呢年旅遊業有乜搞作。