KIU VS. BERT

禍不單行 撞正新iPhone推出又撞正Nokia收皮，迷你倉I.T Dicky San都趁機賀一賀兩大盛事，以Nokia鐵漢3310風格�機殼配襯截稿前仲係最新�iPhone 5，觀感同食臭�豆腐花一樣，fit晒。佢話�大陸買8蚊人仔，佢懷疑係盜版喎…… 耐人尋味 日本卡樂B每年秋天都會推出以「A.LA.POTATO」製作期間限定，呢種薯仔其實係北海道某一種特產薯，據講薯味特別香，炸出來的薯片亦特別持久香脆。1998年開始每年秋天都會推出保持呢個限定傳統，撞正呢排係25周年限定版推出期，一向唔係咁鍾意食原味�我都決定試一試。25周年版特別加設牛油香味，唔係吹水，入口薯味係比平時濃厚得多，薯片本身唔太鹹但入口已經好夠味，呢��香港未必有，惟有寄望阿信屋啦。 吉田 由於上周東京行程趕急，只能送上上周四「最新」情報。大大話話講�三、四年，一直想買番個PORTER TANKER，其實我始終認為佢係潮流袋王（PORTER喎唔係HEAD PORTER），仲要係最元祖木村風格軍綠色，千祈咪買黑色，型唔型只差一線。難得今次Yen回氣七幾，我選擇放棄成田機場�B印，一落機就去表參道買TANKER，sorry，件事係老套但個袋係型。P.S. 軍綠仍然強勢，大家留意�今季GANRYU一件MA-1風格羽絨背心，要有。 鬼TIM 呢幾日�BEAMS同UR都見到一個好似kolor風格�日牌，係幾好樣�，一睇個牌子名原來佢叫阿添，件事非常鬼，雖然老實講佢��褲cutting確係唔錯，但個cut之外連價錢都同kolor有得揪，令我對佢始終好有戒心。上網翻查佢�資料，原來條友叫松村大基，�New York讀時裝，2010年尾先創立呢個品牌，睇�佢幾個collection，發現真係複製阿部潤一咁款，情形同Quenchloud抄NBHD一模一樣，最鬼就係BEAMS同UR都擺當眼位置，係咪鱔稿�呀？（Keyword：TIM.） 啟業唔係賣電器 啟業村，如果冇乜事，一般人應該唔會想去。話說當年，星島總部仍紮根於九龍灣，啟業係《東TOUC儲存》男潮組每周必到之地；唔計隔籬麗晶的YLK（都係舊朵椰林閣順口），去啟業的理由，就係為�合興的鐵板芝士鮮魷。如你曾長時間在九龍灣返過工的，應該都知道當年九龍灣工廠區確係冇啖好食，雖然，星島都有canteen，只是當你每晚10點後入完稿canteen又收晒檔之時，唔去士佬最愛的「奇興」，否則想食好一點，點都要過啟業走番轉。或者你認為鐵板芝士鮮魷唔難整、鐵板��通菜係家常例牌、燒汁豬頸肉只要個汁醬校得出色即可，但相比起當年忙�偷閒行一大段路逃離鬼塚老師的地獄魔爪，呢一個鐘放飯時間，其實要我�行落旺角食都仲得。 高級波衫 野球熱今季好紅，不過都要抽抽水，我已經講�好幾年了。Football shirt，早年已瘋狂入手超過10件，不過，都係買完再賣賣完再買�三分鐘熱度，直到今季連阿部千登勢都走去野球，建議唔玩棒球褸的話，輕手的就要玩football shirt。今次狂推sacai呢件，事關用番sacai招牌boxie cut，簡約的色調配置加手袖兩間，有埋hi-end胸口pocket加潛水衣物料，如果以sacai只賣$2,600來說，呢個都算係近年的良心價，買�襯�衫ok。 芬蘭蛋 或者你跟我的喜好有所不同，在未買得起名表前，最想要的，其實係一隻SUUNTO VECTOR。大大隻巨玉、多色、outdoor賣相設定，當年幾千蚊隻已經買起我全副身家，戴上手是身份的象徵，很遺憾，時至今日，我仍未擁有過一枚SUUNTO。講真，細佬還未接受到全電子化的時計，好似這枚新作SUUNTO AMBIT 2，賣相雖仍以一貫的巨大表面配合金表殼製造，並內置GPS全球定位，讓你可即時行山定位，並可透過Movescount App去下載不同的路線，簡單講即行山遠足游水踩單車樣樣精。當然，測心跳、指南針、100米防水樣樣做到足，只不過，AMBIT 2用的係可充電鋰電池，換言之隻表又係需要叉電，如果與戴開的自動表相比，個人還是較鍾情那機械式的傳統配置，AMBIT 2呢種功能表，還是待去行山游水踩單車先戴吧！（Keyword：SUUNTO）迷你倉